فراه پوهنتون کې د امارتي ادارو د عقودو او معاملاتو د قانون رسمي جریدې درسونو لړۍ پای او د حجاجو او معلمینو د قانون رسمي جریدې درسونو لړۍ پیل شوه
په فراه پوهنتون کې د یاد پوهنتون د دعوت او ارشاد آمریت له لوري د اداري او خدماتي کارکوونکو لپاره د امارتي ادارو د عقودو او معاملاتو د قانون رسمي جریدې درسونو لړۍ چې ترسره کېده، پای ته ورسېد.
د دې درسونو په لړ کې د یادې جریدې اړوند موضوعات او مواد اداري او خدماتي کارکوونکو ته په تفصیل سره تشریح شول او د اداري چارو په سم ترسره کېدو کې د هغې د موادو د پوهېدو پر اهمیت ټینګار وشو.
همدارنګه د همدې لړۍ په دوام کې د اداري کارکوونکو لپاره د حجاجو او معلمینو د قانون رسمي جریدې لړۍ پیل شوه او د هغه د اهمیت او موادو په اړه لومړني معلومات وړاندې شول.
په پای کې ګډونوالو د قوانینو د پوهاوي او په اداري چارو کې د هغو د سم تطبیق پر اهمیت ټینګار وکړ.
