د فراه لوړو زدهکړو مؤسسې او د فراه ولایت د مستوفیت مقام ترمنځ د دوه اړخیزو همکاريو په پار ناسته او لیدنه
د فراه لوړو زدهکړو مؤسسې اقتصاد پوهنځی په دې هڅه دی تر څو خپلې اړیکې له اړوندو بنسټونو سره لا ټینګ او پراخ کړي، تر څو وکولای شي چې د انساني سرچینو څخه په ښه او ګټوره توګه ګټه واخلي او د دې تر څنګ د دې پوهنځي محصلان په مالي او اداري چارو پوه او کاري چاپیریال سره آشنا شي؛ نو غواړي چې په دې نږدې راتلونکي کې د فراه ولایت مستوفیت مقام سره دوه اړخیزه تړونلیک لاسلیک کړي.
په دې منظور په ۱۴ / ۳ / ۱۴۰۲ نیټې د فراه لوړو زدهکړو مؤسسې رهبري پلاوي د مستوفیت مقام له رهبري پلاوي سره ګډه ناسته او لیدنه وکړه او په مفصله توګه يې د دې هوکړهلیک په اړه بحث او خبرې وکړي، چې د یاد مقام رهبري پلاوي هم د هر ډول مرستې ژمنه وکړه.
د نشراتو او فرهنګي کمیټه
