د فراه لوړو زده کړو مؤسسې کرهڼې پوهنځي د محصلانو څېړنیزو پروژو او مونوګرافونو دفاع!
د فراه لوړو زده کړو مؤسسې کرهڼې پوهنځي د اگرانومي او کرهڼې او اقتصادي پراختیا څانګو د څلورم ټولګي محصلانو د خپلو څېړنیزو پروژو پروپوزلونه او مونوګرافونه د خپلو لارښود استادانو ترڅارنې لاندې وړاندې او دفاع کړل.
د محفل پیل د قرآنکریم د څو مبارکو آیاتونو په تلاوت سره د عبدالخالق حقمل لخوا وشو.
وروسته د کرهڼې پوهنځي رئیس پوهنمل عبدالناصر صدیقي محصلانو ته مبارکي وویله او د څېړنې په ارزښت او د کرهڼی په برخه کې د افغانستان په پرمختګ او ځان بسیاینې کې یې ارزښتناک څرګندونې وکړې.
په پای کې محصلانو خپل پروپوزلونه او مونوګرافونه د ژورې هيئت په حضور کې وړاندې او دفاع کړل.
او محفل د خیر په دعا سره پای ته ورسېد.
