د استراتیژیک پلان د جوړولو ویبینار (آنلاین سمینار)

د دوشنبې ورځ په ۲۲ / ۳ / ۱۴۰۲ نېټې باندې د جامي پوهنتون له‌خوا د استراتیژیک پلان د جوړولو ویبینار (آنلاین سمینار) د فراه لوړو زده‌کړو مؤسسې د استراتیژیک پلان کمیټې او استادانو ته وړاندې سو. دا ویبینار په درېیو برخو کې رانغښتل سوی و. 
لومړۍ برخه د استراتیژیک پلان ترتيبول چې د ښاغلي عزیز الله صامت له‌خوا وړاندې سوه، دویمه برخه د استراتیژیک پلان اجرا کول و، چې د ښاغلي نذیر احمد سدید له‌خوا او درېیمه برخه د استراتیژیک پلان د تطبیق څخه نظارت و، چې د ښاغلي یحیی مجددي له‌خوا وړاندې سول. 
دا پروګرام د دواړو تحصیلي بڼسټونو د استادانو په ملاتړ او ګډون په لاره اچول سوی وو.

فرهنګی او نشراتو کمیټه