د فراه لوړو زده‌کړو مؤسسې د څېړنيز ظرفيت لوړولو درې ورځني روزنیز ورکشاپ پای

farau_admin
شنبه ۱۴۰۲/۸/۲۷ - ۲۱:۳۱
Photo

د فراه لوړو زده‌کړو مؤسسې په ورزشي جمنازیوم کې د څېړنيز ظرفيت لوړولو درې ورځنی روزنيز ورکشاپ چې په ۱۳/ ۸ / ۱۴۰۲ نېټه پيل شوی و، نن په ۱۵/ ۸/ ۱۴۰۲ نېټه پای ته ورسيد. 
ياد ورکشاپ د تحقيق مرکزي کمېټې په نوښت د فراه د دولتي او خصوصي لوړو زده‌کړو مؤسسو د استادانو، علمای کرامو، ذی‌نفعو اداراتو، د څلورم ټولګیو محصلانو او عامو محققینو لپاره پيل شوی و.
دا درې ورځنی تحقیقي ورکشاپ د پوهنيار کاظم نيکزاد او پوهنيار حشمت الله ساراني له لوري د فرهنګي او نشراتي مرکزي کمېټې په همغږۍ او همکارۍ پر مخ يوړل شو، چې د څېړنې اړوند بېلابېلې موضوع‌ګانې په عملي او نظري ډول په کې تشريح شول. 
د یاد ورکشاپ لومړۍ ورځ د علمي څېړنو پر ډولونو، جوړښت او داسې نورو... باندې څرخېد، چې ښاغلي پوهنیار کاظم نیکزاد صاحب وړاندې کړ، همدارنګه نوموړي استاد په دویمې ورځې کې هم د پروپوزل‌لیکنې اړوند بشپړ معلومات وړاندې کړل او د دریمې ورځې موضوع چې د معیاري اخځ‌لیکنې او ډولونو اړوند په تمریناتي او عملي ډول له ګډون‌کوونکو سره ترسره شو، د ښاغلي پوهنیار حشمت الله ساراني لخوا ارائه او وړاندې شو.
د ورکشاپ په پای کې د فراه لوړو زده‌کړو مؤسسې رئيس مولوي سميع الله حقاني د ياد ورکشاپ په اهميت خبرې وکړې. نوموړي د څېړنې پرمختګ لپاره د داسې ورکشاپونو جوړيدل اړين وبلل او په دې ډول د نورو ورکشاپونو د جوړيدو په پار يې د هر ډول امکاناتو د چمتو کولو ژمنه وکړه. 
همدارنګه ښاغلی مفتي صاحب مخلص چې د فراه ولایت د معارف ریاست په استازیتوب یې په یاد څېړنیز ورکشاپ کې ګډون کړی و، د ورکشاپ د جمع‌بندي او پایلې وینا وکړه او د دې ورکشاپ پر جوړیدو، منځپانګې او فني اړخونو باندې مفصله او پوره وینا وکړه او زیاته یې کړه چې پوهنتونونه د علمي څېړنو مرکزونه دي، اسلامي نظام د دې مراکزو په غنامندي کې ډېره زیاته هڅه او تلاښ لري، خو دا چاره په همدې استادانو او محققینو بشپړیږي. 
په پای کې د ورکشاپ وړاندې‌کوونکو استادانو ته د لا هڅوونې او تشويق په موخه ستاينليکونه ډالۍ شول. 
ياد ورکشاپ د مولوي سعید احمد نوري په دعا سره پای ته ورسيد.

نشراتو او فرهنګي کمیټه

تازه خبرونه

یکشنبه ۱۴۰۳/۲/۳۰ - ۱۰:۲۱
Background image

فراه د لوړو زدکړو مؤسسې د ښوونې او روزنې پوهنځي د روان جفت سمستر نهایې ازمویني پیل کړي!

د ښوونې او روزنې پوهنځي کې هم د فراه د لوړو زدکړو مؤسسې د نورو پوهنځيو په څېر د جفت سمستر ازموینې د ازموینې کمېټې په مرسته پیل شوې.

د یادو ازموینو له بهیر څخه د پوهنتون رئیس م. سمیع. . .

یکشنبه ۱۴۰۳/۲/۳۰ - ۹:۱۷
Background image

د ښوونې او روزنې پوهنځي بروشور د پوهنتون پر محصلانو باندې وویشل سو.

څه موده مخکې د ښوونې او روزنې پوهنځي دویمه ګڼه بروشور(پیژند پاڼه) چاپ سوی او د پوهنتون پر استادانو او اداري کارکوونکو باندې ویشل سو وو. د دې لپاره چې د فراه د لوړو زدکړو مؤسسې محصلان هم. . .

یکشنبه ۱۴۰۳/۲/۲۳ - ۱۴:۱۷
Background image

د ښوونې او روزنې پوهنځي اته ګونو څانګو خپلې علمي ـ څیړنیزې جریدې د یو لړ مراسمو په ترڅ کې پرانیستې

د دوشنبې ورځ او ۱۷/ ۲/ ۱۴۰۳ نېټه د ښوونې او روزنې پوهنځي (۷) څانګو خپل دیوالي جریدې په مختلفو نومونو او منځپانګو سره پرانیستې. پدې پرانیست غونډه کې د فراه لوړو زده کړو مؤسسې رئیس ښاغلي. . .

BACK TO NEWS