د فراه لوړو زده‌کړو مؤسسې او د هرات ولایت غالب پوهنتون ترمنځ دوه اړخیزه علمي تړون‌لیک لاسلیک شو.

farau_admin
چهارشنبه ۱۴۰۲/۳/۳ - ۱۵:۳۲
Farau.Admin

پرون سه شنبه پر ۳/ ۳ / ۱۴۰۲ نیټه، چې د ۱۴۴۴ هجري سپوږمیز کال ذوالقعدې مياشتې له ۴ نېټې سره سمون خوري، د هرات ولایت د غالب محترم پوهنتون څخه لوړ پوړي پلاوي هر یو ښاغلی ډاکټر محمد طاهر تنزی د غالب پوهنتون علمي مرستیال، ډاکټر عبدالقادر احمد مالي او اداري مرستیال، استاد نجیب الله اسحاق‌زی د اقتصاد پوهنځي رئیس او استاد عبدالناصر امیني د اړیکو او فرهنګي امورو رئیس د یو علمي سفر په ترڅ کې د فراه لوړو زده‌کړو مؤسسې ته تشريف راوړ.
د فراه لوړو زده‌کړو مؤسسې د رهبري له‌خوا نوموړي پلاوي ته تود هرکلی او ښه راغلاست وویل شو، د استادانو او مسؤلینو له پیژندنې څخه وروسته د دواړو لوریو ترمنځ دوه اړخیزه هوکړه‌لیک لاسلیک شو، چې د دې هوکړه‌ليک پر اساس دواړه پوهنتونونه به یو له بل سره په بېلابېلو علمي برخو کې پوره همکاري ولري. 
راغلي پلاوي د فراه لوړو زده‌کړو مؤسسې اداري شعبې، ديپارټمنټونه، کتابتون، لابراتوار، کمپیوټر لب، لیلیې او نورو... امکاناتو څخه لیدنه وکړه او د فراه په پوهنتون کې یې شوي کارونه د ستاینې وړ وبلل او خپل له لوري یې د هر ډول علمي همکاريو ژمنه وکړه.
پاته دې نه وي چې د غالب پوهنتون او د فراه لوړو زده‌کړو مؤسسې رهبري پلاوو په مشترکه توګه د فراه ولايت له نورو خصوصي لوړو زده‌کړو څخه هم لیدنه وکړه او پر علمي او اکاډميکو اړيکو یې همغږي او خبرې اترې وکړي.

د نشراتو او فرهنګی کمیټه

تازه خبرونه

یکشنبه ۱۴۰۳/۲/۳۰ - ۱۰:۲۱
Background image

فراه د لوړو زدکړو مؤسسې د ښوونې او روزنې پوهنځي د روان جفت سمستر نهایې ازمویني پیل کړي!

د ښوونې او روزنې پوهنځي کې هم د فراه د لوړو زدکړو مؤسسې د نورو پوهنځيو په څېر د جفت سمستر ازموینې د ازموینې کمېټې په مرسته پیل شوې.

د یادو ازموینو له بهیر څخه د پوهنتون رئیس م. سمیع. . .

یکشنبه ۱۴۰۳/۲/۳۰ - ۹:۱۷
Background image

د ښوونې او روزنې پوهنځي بروشور د پوهنتون پر محصلانو باندې وویشل سو.

څه موده مخکې د ښوونې او روزنې پوهنځي دویمه ګڼه بروشور(پیژند پاڼه) چاپ سوی او د پوهنتون پر استادانو او اداري کارکوونکو باندې ویشل سو وو. د دې لپاره چې د فراه د لوړو زدکړو مؤسسې محصلان هم. . .

یکشنبه ۱۴۰۳/۲/۲۳ - ۱۴:۱۷
Background image

د ښوونې او روزنې پوهنځي اته ګونو څانګو خپلې علمي ـ څیړنیزې جریدې د یو لړ مراسمو په ترڅ کې پرانیستې

د دوشنبې ورځ او ۱۷/ ۲/ ۱۴۰۳ نېټه د ښوونې او روزنې پوهنځي (۷) څانګو خپل دیوالي جریدې په مختلفو نومونو او منځپانګو سره پرانیستې. پدې پرانیست غونډه کې د فراه لوړو زده کړو مؤسسې رئیس ښاغلي. . .

BACK TO NEWS