د فراه پوهنتون اداري کارکوونکي د يوې رسمي غونډې په ترڅ کې وستایل شوه!
فراه پوهنتون کې د رهبرۍ او اداري کارکوونکو ترمنځ د همغږۍ رسمي غونډه کې د ياد پوهنتون اداري کارکوونکي وستايل شوه.
غونډه د قرآن کريم په څو مبارکو اياتونو په تلاوت سره پيل شوه.
وروسته د فراه پوهنتون رئيس سميع الله حقاني اداري کارکوونکو خپل د مسؤليتونو د لا ښه ترسره کولو لپاره وهڅول او زياته يې کړه، نن ورځ ډېر د شکر ځاي دی چې د افغانستان اسلامي نظام تر چتر لاندې د هېواد ستړي ولس ته خدمت کوي او همدارنګه يې د اطاعت کولو پر ارزښت او د بيتالمال څخه د ښه ګټې اخېستلو او ساتلو په اړه ګډونوالو ته بيان وکړ.
او په پای کې د فراه پوهنتون ټول اداري کارکوونکو ته د رهبري لخوا ستاينليکونو وويشل شول.
غونډه د خير په دعا سره پای ته ورسېده.
