فراه پوهنتون کې د (کبیره ګناهونو تعداد او د هغوې د دوام تاوانونه) ترسرلیک لاندې اصلاحي سمينار وړاندې شو!
د فراه پوهنتون دعوت او ارشاد آمريت لخوا د ياد پوهنتون پوهنځیو رئیسانو، استادانو، اداري کارکوونکو او خدماتي کارکوونکو ته د (کبیره ګناهونو تعداد او د هغوې د دوام تاوانونه) ترسرلیک لاندې اصلاحي سمينار وړاندې شو.
سمينار د قرآن کريم په څو مبارکو اياتونو تلاوت سره پيل شو.
وروسته پوهنيار محمد سرور احمدي د ګناهونو تاوانونه لکه (په روحي او رواني اغېزه، د ارادې ضعف او کمزوري، اطاعت نه کول، د زړه کلک والي او توريدل او د عباداتو څخه خوند نه اخېستل)، د ګناهونو ترسره کولو عوامل لکه (د زړه غفلت او د نفساني خواهشاتو پيروي) او د کبیره ګناهونو څخه د ځان ساتلو په اړه ګډونوالو ته هراړخيزه معلومات وړاندې کړل.
سمینار د خیر په دعا سره پای ته ورسيد.
