د (کارموندنې له معتبرو وېبسایټونو سره د نوملیکنې طریقه او د مناسب سیوی لیکلو څرنګوالی) تر سرلیک لاندې ښوونيز سمینار د فراه لوړو زده کړو مؤسسې محصلانو ته وړاندې شو!
د فراه لوړو زده کړو مؤسسې د کارموندنې مرکز له خوا د جَک مؤسسې د مالي مرستیال په همکارۍ د ښوونې او روزنې پوهنځي محصلانو ته د (کارموندنې له معتبرو وېبسایټونو سره د نوملیکنې طریقه او د مناسب سیوی لیکلو څرنګوالی) تر سرليک لاندې ښوونيز سمینار وړاندې شو.
سمینار د قرآن کریم څو مبارکو آیتونو په تلاوت سره پیل شو.
وروسته د کارموندنې مرکز مسئول پوهنیار مسلم حلیمي محصلانو ته د کارموندنې له معتبرو پلتفورمونو سره د نوملیکنې مؤثرې طریقې، د سیوی لیکلو کلیدي ټکي، او د یو مسلکي سیوی ترتیب اړوند هر اړخیز معلومات وړاندې کړل. نوموړي د نوملیکنې مرحلې په تفصیل سره تشریح کړې او ګډونوال یې له اړینو اصولو سره بلد کړل.
او په پای کې، سمینار د خیر دعا سره پای ته ورسېد.
